Қийинчиликларга қарамай, Япония Россия билан тинчлик шартномасини имзоламоқчи

 

Япония Россияга қарши санкциялар курсини давом эттирса-да, Москва билан тинчлик шартномаси имзоланишига умид қилмоқда. Бу ҳақда бош вазири Фумио Кисида маълум қилди.

 

Япония ва РФ Иккинчи жаҳон уруши якуни бўйича расман тинчлик шартномаси имзоламаган. 1945 йилда Жанубий Курил ороллари Москва ихтиёрига ўтади. Бу ердаги айрим ҳудудларга ҳамон Токио даъво қилади.

 

Кисида Россиянинг Украинадаги ҳаракатлари халқаро тартибот асосларига путур етказганини айтган.Айнан шу туфайли Япония ва РФ ўртасидаги муносабатлар ҳам анча ёмонлашгани қайд этилган.

 

“Аммо биз ҳудудий муаммоларни ечишга ва тинчлик шартномасига эришишга қаратилган ҳаракатларни давом эттирамиз”, – деган япон ҳукумати раҳбари.

 

Март ойида Россия Курил ороллари бўйича музокараларни тўхтатиб қўйганди. Шунингдек, японияликларнинг оролларга визасиз кириб келиши тартиби ҳам бекор қилинди. Ўз навбатида Япония 2003 йилдан буён илк бор Курилни “ноқонуний оккупация қилинган ҳудуд" деб эълон қилди.

 

Аввалроқ Япония Россияга қарши янги санкциялар жорий этганди.