Трамп ОАВ учун "тўнини тескари кийди"
Собиқ президент бир қатор телеканалларни судга бермоқчи.
Дональд Трамп тез орада бир қатор ОАВни ўзига туҳмат қилганликда айблаб судга беради. Бу ҳақда у Truth Social ижтимоий тармоғида маълум қилди.
"Яқин ҳафта ва ойлар ичида биз бир қатор фейк хабар тарқатувчи компанияларни ёлғон, туҳмат ва бошқа ёвузликлари учун судга берамиз", — деган собиқ президент.
Қайд этилишича, Трамп уларни 2020 йилги президентлик сайловлари кампанияси ва ундан кейинги даврдаги фаолияти устидан арз қилади.
Бундан олдин сиёсатчининг вакиллари душанба куни Флорида Жанубий округи судига CNN телеканали устидан шикоят қилганди. Трамп каналдан 475 миллион доллар ундиришни талаб қилмоқда.
Аввалроқ АҚШ собиқ президенти дунёнинг энг хавфли паллада турганини айтганди.
