Туркия Босфор ва Дарданелдан қанча даромад олади?
Мамлакат транспорт вазири бу бўйича маълумотларни очиқлади.
Туркия Босфор ва Дарданнел бўғозлари орқали кемаларнинг ўтишидан йилига 200 миллион доллар даромад олади. Бу ҳақда мамлакат транспорт вазири Одил Караисмаилоглу маълум қилди.
Вазирнинг сўзларига кўра, бу ҳафта ушбу сув коридорларидан ўтиш учун олинадиган тўлов оширилади. У 1936 йилда бўғозлардаги кемалар қатновини тартибга солувчи Монтрё конвенцияси имзоланган пайтдаги олтин франк асосида ҳисобланади.
“Биз бўғозлар орқали ўтишда олинадиган тўловни ўзгартирдик ва дунёни ҳар йили 1 июлда уни ўзгартиришимизни бутун дунёга маълум қилдик. Гап кемаларнинг тўхтовсиз ўтиши орқали йиллик 30 миллиондан 200 миллион долларгача бўлган сумма ҳақида кетмоқда”, – деган у.
Монтрё конвенцияси имзоланган пайтда олтин франк 0.8 долларга тенг бўлган бўлса, ҳозирда у 4.8 долларни ташкил этмоқда. Конвенциянинг иккинчи моддасига мувофиқ, тиббий назорат, маёқ ва кемалар эвакуацияси хизматлари учун тўловлар ундирилади. Шу билан бирга тўлов ҳажми савдо кемаси соф тоннажига қараб белгиланади.
