“Газпром” Австрия орқали газ етказиб беришни қайта тиклади
Бу ҳақда компания матбуот хизмати хабар берди.
Қайд этилишича, “Газпром” италиялик харидорлар билан биргаликда сентябрь ойи охирида Австрияда бўлиб ўтган тартибга солиш ўзгаришлари контекстида ўзаро ҳамкорлик формати бўйича ечим топишга муваффақ бўлган. Бу Австрия ҳудуди орқали Россия газини етказиб беришни қайта тиклаш имконини беради.
Италиянинг “Eni” энергетика компанияси “Газпром” газ етказиб беришни қайта тикланганини тасдиқлади.
Ўтган шанба куни “Газпром” Австрия орқали транзитни тўхтатганини эълон қилди. Бу сентябрь охиридаги қоидаларга киритилган ўзгаришлар туфайли маҳаллий операторнинг аризаларни тасдиқлашдан бош тортгани билан боғлиқ.
