Тошкентда аёл қалбаки долларга IPhone 13 сотиб олди
Ҳозирда унга нисбатан жиноят иши қўзғатилган.
Мирзо Улуғбек туманида қалбаки долларга IPhone 13 харид қилиш ҳолати аниқланди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Қайд этилишича, Департаментнинг Мирзо Улуғбек туман бўлими томонидан терговга қадар текширув ўтказилган. Унда фуқаро Х.К. “OLX” сайти орқали нотаниш харидор аёл билан ўзининг IPhone 13 русумли уяли алоқа воситасини 1 200 АҚШ долларига сотишга келишиб, тумандаги Evоs кафеси олдида учрашган пайтида харидор аёл унга уяли алоқа воситаси учун 12 дона 100 АҚШ долларлик қалбаки купюраларни бериб кетганлиги аниқланган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
