Украинага биринчи навбатда қайси турдаги қуроллар зарур?
НАТО собиқ бош котиби бу бўйича махсус режа ишлаб чиқди.
Киевга ҳозирда асосан ҳаво ҳужумига қарши мудофаа тизимлари керак. Бу ҳақда Politico хабар берди.
Нашр маълумотларига кўра, Украина NASAMS зенит-ракета тизимларини ноябрда олади. Бу тизимлар дрон вертолёт ва ракеталарни уриб тушира олади. Шу билан бирга Politico билан суҳбатлашган манбалардан бири бу ҳаво мудофааси учун етарли эмаслигини таъкидлаган. Киевга яқин ва ўрта масофага зарба берадиган қуроллар зарурлиги қайд этилган.
Бундан ташқари, Ғарб ўз ҳаво ҳужумидан мудофаа тизимларини Украинага беришни истамаётгани, шартномалар имзоланиши ва бу турдаги қуроллардан фойдаланишни ўргатиш учун йиллар кераклиги маълум қилинган.
Ҳозирда Киев Ғарбдан олишни истаган устувор қуроллар рўйхати ўзгараётганига эътибор қаратилган. НАТОнинг собиқ бош котиби Андерс Фог Расмуссен эса Украинага ҳарбий ёрдам масаласида асосий лоббист эканлигини таъкидлаган. У Зеленский офиси раҳбари Андрей Ермак билан янги ёрдам пакети мазмунини акс эттирган ҳужжат ишлаб чиққан. Ҳужжатда Ғарбнинг узоқ муддатга кўмак бериши муҳимлиги қайд этилган.
Аввалроқ Украина ҳарбийлари Европада тайёрланиши тўғрисида хабар берилганди.
