Триатлон бўйича халқаро мусобақа ғолиблари аниқланди
Унда 30 та давлатдан спортчилар қатнашган.
Самарқанд эшкак эшиш каналида бошланган триатлон бўйича “2022 Асиан Триатҳлон Cуп Самарканд” баҳслари якунланди. Бу ҳақда Спортни ривожлантириш вазирлиги хабар қилмоқда.
30 давлатдан келган 70 нафар профессионал спортчи триатлоннинг классик йўналиши — очиқ ҳавзада 1,5 километрга сузиш, 40 километрга велопойга ва 10 километрга югуриш баҳсларида беллашган.
Мусобақанинг аёллар ўртасидаги баҳсида:
1-ўрин — жаҳон триатлон федерацияси байроғи остида қатнашган Тоус Хеска;
2-ўрин — Хитойлик Хен Ю Лин;
3-ўрин — Венгрия вакиласи Науми Срасзеги сазовор бўлди.
Эркаклар ўртасидаги баҳсда:
1-ўрин — Испаниялик спортчи Давид Контеро Дел Кампо;
2-ўрин — Руминия спортчиси Феликс Дучампт;
3-ўрин — Люксембург вакили Григор Пает қўлга киритди.
Мусобақа сўнгида ғолибларга диплом, медал ва эсдалик совғалари топширилган. Эртага 160 нафар ҳаваскор ҳамда профессионал спортчилар ўртасида триатлон бўйича Ўзбекистон чемпионати бўлиб ўтади.
