Тошкентда автомашина газ қувурини уриб юбориши оқибатида таъминот тўхтатилди
Ҳозирда аварияни бартараф қилиш ишлари олиб борилмоқда.
Тошкент шаҳрининг Сергели туманидаги “Хонабодтепа” маҳалласида газ сизиб чиқиш ҳолати сабабли газ таъминоти вақтинчалик тўхтатилди. Бу ҳақда “Ҳудудгаз Пойтахт” матбуот хизмати хабар қилди.
Қайд этилишича, Сергели тумани, “Хонабодтепа” маҳалласидаги газ қувурини машина уриб юбориши натижасида авария юзага келган. Натижада 300 та ҳовли хонадонларда ҳамда 3 та улгуржи ташкилотларда 2022-йил 9-октябр куни соат 21:40 да газ таъминоти вақтинчалик тўхтатилган.
Ҳозирда аварияни бартараф қилиш ишлари олиб борилмоқда. Таъмирлаш ишлари тугатилгандан сўнг табиий газ таъминоти қайта тикланади.
