НАТО кучлари Украина низосидан сабоқ олаётгани маълум қилинди
Бу ҳақда АҚШ генерали гапирди.
АҚШ ва НАТО армиялари Украинадаги низодан ўзи учун керакли сабоқларни олмоқда. Бу ҳақда АҚШ қуролли кучларининг Европа ва Африкадаги кучлари қўмондони генерал Дэррил Уильямс маълум қилди.
“Балки, биз олган сабоқлар ҳақида гапиришга эртадир. АҚШ ва НАТО армиялари бу вазиятда ўрганаётган ташкилотлар ҳисобланади. Албатта, биз орттирган тажрибани ўрганамиз... Шу билан бирга бу кампания ҳақида хулоса қилишга ҳали эрта”, – деган генерал.
У Киевга ёрдам бериш масаласида ҳаммаси режадагидек кетаётганини қайд этган. Шунингдек, Уильямс Украина қуролли кучларининг ҳаракатларидан ҳайратда эканини таъкидлаган.
Аввалроқ Европада Украина ҳарбийларини тайёрлаш маркази очилиши тўғрисида хабар берилганди.
