Самарқандда Wolsvagen пиёдани уриб юборди
ИИБ ЙҲХБ ҳодиса тафсилотларини маълум қилди.
Бугун, 10 октябрь куни Самарқанд шаҳрида одам ўлими билан боғлиқ йўл-транспорт ҳодисаси содир бўлди. Бу ҳақда вилоят ИИБ ЙҲХБ ахборот хизмати хабар қилди.
Қайд этилишича, соат 20:15 ларда Самарқанд шаҳрининг “Гагарин” кўчасида пиёдалар ўтиш жойидан ўтаётган пиёдани шу йўналишда ҳаракатланиб келаётган Wolsvagen русумли транспорт воситаси уриб юборган. ЙТҲ оқибатида пиёда К.Ш. оғир тан жароҳати олиб, воқеа жойида вафот этган.
Ҳозирда ҳолат юзасидан Самарқанд шаҳар ИИО ФМБ ТБ томонидан Жиноят кодексининг 266-моддаси 2-қисми билан жиноят иши қўзғатилиб, суриштирув ишлари олиб борилмоқда.
