Ўзбекистон Жанубий Америка давлатлари билан алоқаларини тобора кенгайтирмоқда
Кеча Гаяна билан дипломатик муносабатлар ўрнатиш бўйича келишув имзоланди.
2022 йилнинг 10 октябрь куни Нью-Йорк шаҳрида Ўзбекистон Республикаси ва Гаяна Кооператив Республикаси ўртасида дипломатик муносабатлар ўрнатиш тўғрисида Қўшма коммюнике имзоланди.
Икки давлат ҳукумати номидан ҳужжатни Ўзбекистоннинг БМТдаги доимий вакили Бахтиёр Ибрагимов ва Гаяна Кооператив Республикасининг БМТдаги доимий вакили Каролайн Родригес Биркет имзолади.
Томонлар халқаро ташкилотлар, жумладан, БМТ ва унинг ихтисослашган муассасалари доирасида қўшма ҳамкорликни мустаҳкамлашдан манфаатдор эканлигини тасдиқлади. Ҳамкорликнинг ўзаро манфаатли йўналишларини излаш учун икки томонлама алоқаларни давом эттириш бўйича келишувга эришилди.
“Ҳужжатнинг имзоланиши Ўзбекистоннинг Жанубий Америка давлатлари билан ўзаро ҳамкорлигини кенгайтириш йўлидаги муҳим қадам бўлди”, – дейилади ТИВ тарқатган хабарида.
