Янги Зеландия Россияга қарши навбатдаги санкцияларни жорий этди
Рўйхатга кимлар ва нималар киритилган ?
Янги Зеландия Украина атрофидаги вазият туфайли Россияга нисбатаб янги санкциялар жорий қилди.
Мамлакат ТИВ томонидан эълон қилинган янгиланган рўйхатга
51 нафар тадбиркор, 24 нафар амалдор ва икки рус компанияси киритилган.
Ўз навбатида, Янги Зеландия ташқи ишлар вазири Наная Махута, "Янги Зеландия билан алоқада бўлган" "Евраз Гроуп" директорлар кенгаши раиси Александр Абрамов ҳам санкциялар остида қолганини алоҳида таъкидлади.
Унинг сўзларига кўра, Абрамов ва унинг оила аъзоларига саёҳатга тақиқ қўйилади, уларнинг самолёт ва кемалари мамлакат ҳудудига кира олмайди.
“Бизнинг санкцияларимиздан мақсад Россияга босим ўтказиш, бегуноҳ одамларни жазолаш эмас”, — деди Махута.
Аввалроқ Япония Россияга қарши санкцияларни кенгайтирганди.
