Украинада Илон Маскнинг сурати ўчириб ташланди
Бунга унинг Твиттердаги гаплари сабаб бўлган.
Одесса реклама департаменти эълонлар тахтасидан Илон Маскнинг суратини ўчириб ташлади, дея ёзмоқда “РиаНовости” нашри.
Қайд этилишича, унда Украинани қўллаб-қувватлаган машҳурлар тасвирланган.
Октябр ойи бошида Маск Твиттерда Украинадаги можарони ҳал қилиш режаси билан чиққанди. У Донбасс, Херсон ва Запороже вилоятларида “БМТ назорати остида” такрорий референдумлар ўтказишни таклиф қилгаб. Миллиардернинг сўзларига кўра, Қрим “Россиянинг расмий қисми” бўлиб қолиши керак. Бундан ташқари, Маск Украинанинг нейтрал мақомида бўлишга чақирган. Шундан сўнг Маскнинг таклифи Украинада катта норозиликка сабаб бўлган.
Россия Президентининг матбуот котиби Дмитрий Песков америкалик бизнесмен, аслида, вазиятнинг ҳақиқий ҳолатини баён қилишини таъкидлади. Унинг сўзларига кўра, Маск каби одамнинг масалани тинч йўл билан ҳал қилишга интилаётгани жуда ижобий.
