Жанубий Корея АҚШ ядро қуролидан биргаликда фойдаланмоқчи
Сеул бунинг сабабини КХДР таҳдиди билан боғламоқда.
АҚШ атом сувости кемалари Жанубий Кореяда доимий асосда жойлаштирилиши мумкин. Бу ҳақда The Chosun Ilbo хабар берди.
Унга кўра, бу КХДР навбатдаги ядро синовларини ўтказган тақдирда юз бериши мумкин. Ҳозирда Сеул ва Вашингтон Америка стратегик воситаларини жойлаштиришни муҳокама қилмоқда. Хусусан, авиаташувчи зарбдор гуруҳлар ва атом сувости кемалари ротация асосида Корея яримороли яқинидаги сувларга жойлаштирилиши мумкин.
“Қўшни давлатларда ядро қуроли пайдо бўлишини ёки улар томонидан қаршиликнинг олдини олиш мақсадида ядро қуролидан биргаликда фойдаланишнинг Жанубий Корея концепцияси варианти кўриб чиқилмоқда. Бу Америка тактик ядро қуролининг қайтадан жойлаштирилиши вариантидан фарқ қилади”, – деган нашр манбаларидан бири.
Жанубий Корея президенти Юн Сок Ёль бу хабарга муносабат билдириб, барча маълумотларни тўлиқ очиқлай олмаслигини айтган.
Қайд этиш лозимки, бугун Шимолий Корея навбатдаги ракета синовларини ўтказди. У Сариқ денгиз томонга учирилган.
Аввалроқ Юн Сок Ёль КХДР ядро қуроли билан ҳеч нарсага эриша олмаслигини таъкидлаганди.
