ЕОИИ газ савдосини рублда амалга оширмоқчи
Қозоғистондан ташқари барча давлатлар бунга розилик билдирган.
ЕОИИ давлатлари газга тўловни рублда амалга оширишга рози бўлди. Бу ҳақда Евроосиё иқтисодий комиссияси энергетика ва инфратузилма вазири Арзибек Кожошев маълум қилди.
“ЕОИИ доирасида айрим давлатлар газ учун тўловни фақат Россия рублида амалга оширишга келишиб олди. РФ, Арманистон, Беларусь ва Қирғизистон бунга рози. Козоғистон бу таклифни ўйлаяпти, улар ҳам миллий валютада савдо қилишни истамоқда”, – деган у.
Августда Чўлпон-Отада бўлиб ўтган ЕОИИ бош вазирлари кенгашида томонлар миллий валюталарда савдо қилишни кенгайтиришга келишиб олганди. Бундан ташқари, Иттифоқ газ бозорларини бирлаштириш таклифи берилганди.
