Чирчиқда 4 та автомашина ЙТҲга учради
Уларнинг 2 таси юк машинаси, 2 таси енгил автомобиль.
Ижтимоий тармоқда Тошкент вилоятининг Чирчиқ тумунида юк машинаси ағдарилиб кетгани ҳақида видео тарқалди. Ҳолат юзасидан вилоят ИИББ ЙҲХБ расмий муносабат билдирди.
Ҳодиса бугун, 14 октябр куни соат 11:00 ларда Чирчиқ шаҳрининг А.Темур шохкўчасида юз берган. Унда 1995 йилда туғилган хайдовчи Н.Ж. бошқарувидаги “HOHAN” русумли юк автомашинаси, 1968 йилда туғилган ҳайдовчи З.Д. бошқарувидаги “MAN CLA” махсус юк автомашинаси, 1975 йилда туғилган ҳайдовчи Ш.Б. бошқарувидаги “Cobalt” русумли ва 1990 йилда туғилган ҳайдовчи Н.Х. бошқарувидаги “Matiz” русумли автоуловлар иштирокида йўл ҳаракати қоидаларини бузилиши натижасида йўл-транспорт ҳодисаси содир бўлган.
Ушбу ҳолатда ҳайдовчиларга биринчи тез тиббий ёрдам кўрсатилган. Ҳозирда Чирчиқ шаҳар ИИБ ЙҲХБ томонидан суриштирув ишлари олиб борилмоқда.
