Чуқур ҳамдардлигимни қабул қилинг—Путин
Россия раҳбари Эрдоғанга таъзия билдирди.
Россия Президенти Владимир Путин Туркия Президенти Ражаб Тоййиб Эрдоғанга Бартин вилоятидаги кўмир конида юз берган авариянинг аянчли оқибатлари муносабати билан таъзия йўллади. Бу ҳақда “Интерфакс” нашри ёзмоқда.
“Бартин вилоятидаги кўмир конида юз берган авариянинг аянчли оқибатлари муносабати билан чуқур ҳамдардлигимни қабул қилинг. Ҳалок бўлган кончиларнинг оила аъзолари ва яқинларига самимий ҳамдардлик билдирамиз. Барча жабрланганлар тезроқ соғайиб кетсин”,— дейилади Путин Эрдўғонга йўллаган мурожаатида.
Сўнгги маълумотларга кўра, Туркия шимолидаги шахтада юз берган портлаш қурбонлари сони 40 нафарга етган.
