Ҳиндистон “Кўхинур”ни қайтармоқчи
Машҳур олмос 1849 йилдан буён Британия тасарруфида.
Ҳиндистон Буюк Британиядан “Кўҳинур” олмосини қайтариб олмоқчи. Бу ҳақда Ҳиндистон ТИВ расмий вакили Ариндам Багчи маълум қилди.
“ ‘Кўҳинур’ ва бошқа олиб чиқиб кетилган қадимий бойликларни Буюк Британия ҳукумати ҳамда бошқа давлатлар олдида кўтаришда давом этамиз. Биз бу масалада бизни қаноатлантирадиган қарорга келиш йўлларини қидирамиз”, – деган дипломат.
Расмий вакил “Кўҳинур” масаласи доимий равишда Лондон олдида кўтарилиб келишини эслатиб ўтди.
Ушбу олмос 1849 йил ўша пайтдаги қиролича Викторияга Панжоб махарожаси Далип Сингх томонидан совға қилинган. ўша пайтда махарожа 11 ёш бўлган. кўплаб ҳиндистонликлар унинг кичик ёшлигидан фойдаланиб британияликлар босим ўтказган деган фикрда.
Қиролича Елизавета Иккинчининг 8 сентябрдаги вафотидан сўнг Ҳиндистонда олмосни қайтариш бўйича кўплаб чақириқлар янгради. “Кўҳинур”нинг вазни 108 каратни ташкил этади ва Британия монархлари тожининг безаги ҳисобланади.
