Лукашенко Остонада собиқ ҳамкасби билан учрашди

 

Беларусь президенти Остонага ташрифи пайтида Қозоғистоннинг биринчи президенти Нурсултон Назарбоев билан учрашди. Икки сиёсатчи учрашуви тўғрисидаги видео шанба куни ижтимоий тармоқларда тарқалди.

 

Унда собиқ президентнинг Лукашенкони уйи остонасида кутиб олганини кўриш мумкин. шундан сўнг улар биргаликда суратга тушган ва камин олдида суҳбатлашган.

 

Ушбу учрашув жума куни бўлгани айтилмоқда. Назарбоев Беларусь раҳбарига ЕОИИ мажлисида тушган расмларини кўрсатган.

 

Лукашенко Остонага Осиёда ҳамкорлик ва ишонч чоралари бўйича кенгаш саммити ва МДҲ Давлат раҳбарлари кенгаши йиғилишида иштирок этиш учун келганди.