Тошкентда юк машинаси автобусга урилиб, “боши” узилиб кетди
ЙҲХБ ҳолат бўйича маълумот берди.
Бугун, 17 октябрь Тошкент шаҳринин Миробод туманида 3 та автомашина иштирокида йўл-транспорт ҳодисаси содир бўлди. Ҳолат юзасидан шаҳар ИИБ ЙҲХБ маълумот берди.
Қайд этилишича, ҳодиса соат 13.30 ларда Миробод тумани Фарғона йўли кўчасида юз берган. 1991 йилда туғилган М.Н. бошқарувидаги “МАN” русумли тиркамали юк машинаси Миробод тумани Фарғона йўли кўчаси бўйлаб ҳаракатланиб кетаётиб, тормоз тизимида носозлик пайдо бўлиши натижасида ҳайдовчи транспорт ҳодисасини тўхтатолмай қолган. Шундан сўнг у олдинда шу йўналишда харакатланиб келиб, Фарғона йўли кўчаси “HAVAS” супер маркет биноси қаршисидаги “Тартибга солинган пиёдалар ўтиш жойи”да светафорнинг ҳаракатни тақиқловчи қизил чироғида тўхтаб турган “МАN” русумли автобуснинг орқа чап қисмига келиб урилган. Оқибатда “МАN” юк автомашинасининг кабина қисми маҳкамланган жойидан узилиб, ерга тушиш натижасида сирпаниб бориб, светафорнинг қизил чироғида тўхтаб турган Нексия-3 автомашинасига шикаст етказган.
Ҳодиса натижасида тан жарохат олганлар йўқ.
