Британия яна Бош вазирга ёлчимадими?
Сайланганига ҳали 2 ой бўлмаган Трассдан ўрнини бўшатиб қўйишни талаб қлишмоқда.
Консерватив партиянинг аксарият аъзолари Буюк Британия Бош вазири Лиз Трасс истеъфога чиқиши керак, деб ҳисоблайди. Сўровномага кўра, фуқароларнинг учдан бир қисми Борис Жонсоннинг қайтишини хоҳлайди.
“РиаНовости” нашрининг ёзишича, Британия жамиятида Трассни қўллаб-қувватлаш даражаси унинг муваффақияциз иқтисодий сиёсати туфайли 10 фоизгача тушиб кетди.
Консервативлар партияси аъзолари ўртасида ўтказилган янги тезкор сўров шуни кўрсатдики, уларнинг 55 фоизи бош вазирнинг истеъфосини хоҳлайди. Уларнинг атиги 38 фоизи Трасснинг ўз лавозимида қолишини истайди.
Британия аллақачон унинг ўрнига номзод қидирмоқда. Респондентларнинг ҳар учинчиси (32 фоизи) Борис Жонсоннинг Бош вазир лавозимига қайтишини истайди. Шу билан бирга, 23 фоизи собиқ молия вазири Риши Сунак, 10 фоизи эса мудофаа вазири Бен Уоллеснинг тайинланишини истайди.
Сўров 17-18 октябр кунлари 530 нафар консерваторлар ўртасида ўтказилган.
