The New York Times: ЕИ рус олмосларидан воз кечишни истамаяпти
Октябрь бошида Москвага қарши санкцияларнинг саккизинчи пакети қабул қилинганди.
Евроиттифоқнинг айрим давлатлари Россияга қарши янги санкциялардаги баъзи саноат тармоқларига чеклов қўйишни истамаяпти. Бу ҳақда The New York Times хабар берди.
Масалан, Бельгия рус олмослари эмбаргосига қарши чиққан. Ўз навбатида Греция нефть ташиш ҳуқуқини сақлаб қолмоқчи. Франция ва бошқа давлатлар Россиядан ядро ёқилғисини импорт қилишни давом эттирмоқчи.
Қайд этилишича, РФ олмослари билан савдо 1.8 миллиард долларни, уран билан эса 200 миллион долларни ташкил этади.
Октябрь бошида ЕИ Москвага қарши саккизинчи санкциялар пакетини қабул қилди. Ушбу чоралар Россия нефти нархига чегара қўйилишини ҳамда савдонинг чекланишини назарда тутади.
Аввалроқ Венгрия Россияга қарши санкция жорий этишни тўхтатишга чақирганди.
