“Шимолий оқим”ни таъмирлашнинг имкони борми?
Газ ўтказгичлари ўтган ойда портлаганди.
Сентябрь охирида портлаган “Шимолий оқим” газ қувурларини бир неча ойда таъмирлаш мумкин. Бу ҳақда Даниянинг COWI муҳандислик компаниясининг бош мутахассиси Стен Уссинг маълум қилди.
Эксперт 80 метр чуқурликда олинган ўтказгичларнинг суратини ўрганиб шундай хулоса берди. Қувурлар анча чуқурда жойлашгани учун улар зангламаслиги, сабаби бу ерда кислород концентрацияси пастлиги қайд этилган.
Уссинг қувурни сув юзасига чиқариш ва уни металл билан ямашни таклиф қилган. Бунинг учун бир неча ой керак бўлиши таъкидланган.
26 сентябрь “Шимолий оқим” ўтказгичларида катта миқдорда газ сизиб чиқиши аниқланди. Европа давлатлари ҳодисада Москвани айблаган. Ўз навбатида Россия томони ҳам ўтказгичларда теракт бўлганини ва унинг ортида АҚШ турганини таъкидлаган.
Ҳозирда газ ўтказгичлари орқали Евроиттифоққа ёқилғи экспорти деярли тўхтаган.
Аввалроқ “Шимолий оқим”лардаги портлаш кучи маълум қилинганди.
