Янги Зеландия қийин сўзлардан воз кечди
Мухолифат бунга нега қарши?
Янги Зеландия парламенти расмий ҳукумат ҳужжатларида мураккаб ва юқори даражада ихтисослашган луғатдан фойдаланишни тақиқловчи қонун лойиҳасини учинчи ўқишда маъқуллади, деб хабар бермоқда "The Guardian".
“Тил тўғрисида”ги қонун амалдорлардан жамоатчилик билан мулоқот қилишда содда, тушунарли тилдан фойдаланишни талаб қилади. Янги Зеландия ҳукуматига кўра ҳужжатлар аҳолининг барча қатламлари, айниқса, таълим даражаси паст, ногиронлар ва инглиз тили иккинчи тил бўлганлар учун тушунарлироқ бўлиши керак.
"Янги Зеландияда яшовчи одамлар ҳукумат улардан нима талаб қилаётгани ва уларнинг ҳуқуқлари нималардан иборат эканини, шунингдек, ҳукумат уларга қандай эркинлик берганини тушунишга ҳақли",- деди қонун лойиҳасини тақдим этган депутат Рейчел Бояк.
“Оддий тил қонуни” мухолифатнинг танқидига сабаб бўлди ва улар сайловда ғалаба қозонса, қонунни бекор қилишга ваъда берди. Мазкур қонун лойиҳаси бюрократик кечикишларни келтириб чиқариши айтилмоқда.
