0
Евроиттифоқ Россияга қарши санкцияларни кучайтирмоқчи
Иттифоқ барча мамлакатларни санкцияларга қўшилишга чақирди.
Европа Иттифоқи агар керак бўлса, Россияга қарши янги санкциялар қўллашни давом эттиришга тайёрлигини айтди, аммо ҳеч қандай янги чораларни эълон қилмади. Бу ҳақда “РиаНовости” нашри ёзмоқда.
“Европа Иттифоқи Россияга нисбатан чекловчи чораларини янада кучайтирмоқчи ва буни давом эттиришга тайёр”, — дейилади ҳужжатда.
Европа Иттифоқи Россияга қарши жорий қилинган санкцияларнинг амалга оширилишини таъминлаш, шунингдек, уларни четлаб ўтишнинг олдини олиш муҳимлигини таъкидлади.
“Европа Иттифоқи барча мамлакатларни Европа санкцияларига қўшилишга чақиради. Бу йўналишдаги саъй-ҳаракатларни кучайтириш керак”,— дейилади Европа саммити хулосаларида.
