Беш нафар россиялик Швейцариядан санкцияларни олиб ташлашни сўрамоқда
Улар Россиянинг Украинадаги ҳаракатларига қарши эканини айтган.
Беш нафар Россия фуқароси Швейцария санкциялари рўйхатидан чиқариб ташланиши учун ариза берган. Расмийлар мурожаат қилганларнинг шахсини ошкор қилмади.
Россиялик адвокатлар санкцияларни бекор қилиш тўғрисидаги қарорларни бир неча ой кутаётганидан шикоят қилмоқда. Март ойи охирида Қувур металлургия компанияси асосчиси, миллиардер Дмитрий Пумпянскийнинг ўғли Александр Пумпянский ҳукуматга шундай илтимос билан мурожаат қилгани маълум.
У РФнинг Украинадаги ҳарбий амалиётига қарши эканини таъкидлаган.
Швейцария 24 февралдан сўнг мингдан ортиқ россияликларни санкциялар рўйхатига киритган. Уларнинг активлари музлатилган.
Аввалроқ Россиялик миллиардер Михаил Фридманнинг ўғли Александр Ожельский Киевдан ўзига қўйилган санкцияларни олиб ташлашни сўраганди.
