НАТО: Россия тўхтаса, тинчилик бўлади, Украина тўхтаса...
Йенс Столтенберг Россия НАТОни қўрқита олмаслигини айтди.
Агар Владимир Зеленский ҳарбий ҳаракатларни тўхтатса, Украина мустақил давлатмақомини йўқотади. Бу ҳақда НАТО бош котиби Йенс Столтенберг айтиб ўтди.
“Биз Россиянинг ҳаракатларига, у ерда ким бўлишидан қатъи назар, муносабат билдирамиз. Ва уларни бу ҳаракатларни тўхтатишга ундашда давом этамиз. Бу можарони бошлаган Президент Путин эди ва у эртага ўз қўшинларини олиб чиқиб, уни тугатиши мумкин. Шуни ёдда тутишимиз керакки, агар Путин ва Россия ҳарбий ҳаракатларни тўхтатса, тинчликка эришилади. Агар Президент Зеленский ва Киев тўхтаса, Украина мустақил давлат сифатида мавжуд бўлишни тўхтатади. Биз бундай бўлишини хоҳламаймиз. Шунинг учун Украинани қўллаб-қувватлаймиз”, — деди Столтенберг.
Унинг таъкидлашича, НАТОнинг энг устувор вазифаси Украинага ҳарбий ёрдам кўрсатишдир. Столтенбергнинг айтишича, жанг майдонидаги ғалаба Украина Қуролли Кучларининг хизмати, аммо НАТО кўмагисиз улар бу муваффақиятларга эриша олмаган бўларди ва русларни сўнгги ҳафталарда бўлган йўлидан ортга қайтара олмас эди.
Бундан ташқари, Столтенберг НАТОни қўрқитиш ёки Россиянинг ядровий шантажига чидашга мажбурлашнинг имкони йўқлигини қайд этган.
