Байден Риши Сунак билан телефонлашди
Улар G20 саммитида учрашишга келишиб олди.
Буюк Британиянинг янги бош вазири Риши Сунак ва АҚШ президенти Жо Байден телефон орқали суҳбат чоғида Хитойга қаршилик ва Украинага ёрдам бериш масалаларини муҳокама қилди.
“Етакчилар Буюк Британия ва АҚШ ўртасидаги ҳамкорлик кўламини мустаҳкамлаш ва Хитойнинг ўсиб бораётган таъсирига қарши туриш каби масалаларни муҳокама қилдилар”, — дейилади Британия Бош вазири идораси баёнотида.
Қайд этилишича, Сунак ва Байден “Украина халқини қўллаб-қувватлашда ўз мамлакатларининг етакчи роли ҳақида ҳам гаплашган”.
Улар Индонезияда бўлиб ўтадиган G20 саммитида шахсан учрашишга келишиб олган.
G20 саммити ноябрь ойи ўрталарида Индонезияда бўлиб ўтади.
