Самарқандда Дамас ёниб кетди
Ҳолат бўйича ЙҲХБ маълумот берди.
Бугун, 26 октябрь куни Самарқанд вилоятининг Тойлоқ туманида Дамас русумли автомашина ёниб кетди. Ҳолат юзасидан вилоят ИИБ ЙҲХБ маълумот берди.
Қайд этилишича, ҳодиса соат 08:00 ларда Тойлоқ тумани ҳудудидан ўтувчи М-39 автомобиль йўлининг 1085-километрида юз берган. Мазкур йўналишда ҳаракатланиб кетаётган Дамас русумли автомобилнинг двигатель қисмида қисқа туташув ва унинг ортидан ёнғин юзага келган. Ҳайдовчи зудлик билан автомобилни тўхтатган.
Ёнғин ўт ўчирувчилар томонидан бартараф этилган. Ёнғин натижасида тан жароҳати олган фуқаролар йўқ.
Мазкур ҳодиса юзасидан туман ФВБ ва ЙҲХБ ходимлари томонидан суриштирув ҳаракатлари олиб борилмоқда.
