Техникум ва коллеж ўқувчиларига тўлов-шартнома бериш рақамлаштирилди
Бу бўйича вазирлик маълумот берди.
Давлат тест марказининг махсус платформасидан кундузги, сиртқи, кечки ҳамда дуал таълим шакли бўйича рўйхатдан ўтган ва биринчи босқичга тавсия этилган техникум ва коллеж ўқувчиларига тўлов-шартнома бериш жараёни тўлиқ рақамлаштирилди. Бу ҳақда Олий ва ўрта махсус таълим вазирлиги хабар қилди.
“Энди ўқувчилар тўлов-шартномаларни электрон шаклда, ортиқча оворагарчиликларсиз онлайн олишлари мумкин”, — дейилади хабарда.
Шартномаларни олиш учун вазирликнинг prof-kontrakt.edu.uz платформасидан фойдаланган ҳолда юклаб олиш талаб этилади.
