Тошкент метросида нозослик юз берди
Ҳолатга расмийлар муносабат билдирди.
Ижтимоий тармоқларда “Юнусобод” метро йўналишининг Туркистон бекатида поездлар эшиги очилмай қолгани ҳақида хабарлар тарқалди. Ҳолат юзасидан “Тошкент метрополитени” ДУК расмий муносабат билдирди.
Қайд этилишича, соат 20:05 да “Туркистон” бекатидан ҳаракатланишни бошлаган 62-сонли ҳаракат таркибида техник носозлик ҳолати кузатилган.
Белгиланган йўриқномага асосан машинист томонидан йўловчилар бекатга туширилган. Ҳаракат таркиби эса техник кўрикдан ўтказиш мақсадида шу бекатнинг текширув йўлагига юборилган.
“Ҳозирда барча поездлар белгиланган жадвал асосида ҳаракатланмоқда”, — дейилади хабарда.
