Анқара ярим миллион сурияликнинг ватанига қайтганини айтмоқда
Эрдоған Сурия шимолида Туркия ҳарбий амалиёти туфайли тинчлик ўрнатилганини иддао қилди.
Сурия шимолидаги хавфсизлик зоналарига 500 мингдан ортиқ киши ихтиёрий кўчиб кетди. Бу ҳақда Ражаб Тоййиб Эрдоған маълум қилди.
“Биз 530 минг одамнинг Сурияда яратилган хавфсизлик зонасига ихтиёрий қайтишини таъминладик”, – деган Туркия раҳбари.
Унинг сўзларига кўра, Анқаранинг Суриядаги ҳарбий операциялари чегара яқинида шаклланган террорчилар коридорининг йўқ қилинишига сабаб бўлган.
Сурияда фуқаролар уруши бошлангач, бу ердаги қочқинларнинг катта қисми Туркия ҳудудига кириб келди. Сўнгги йилларда Анқара қўшни давлатнинг ўзига чегарадош ҳудудларида бир қанча ҳарбий амалиётлар ўтказди ва бу ҳудудларда фуқаролик инфратузилмаларини яратди. Айрим кузатувчилар бу орқали турк ҳукумати қочқинларнинг ватанига қайтишини таъминламоқчи.
