Нэнси Пелосининг уйига ҳужум: ҳозирча нималар маълум?
Вакиллар палатаси спикерининг турмуш ўртоғи жиддий жароҳатлангани айтилмоқда.
АҚШ Конресси вакиллар палатаси спикери Нэнси Пелосининг турмуш ўртоғи муваффақиятли операция қилинди. Кеча унинг уйига ҳужум уюштирилганди.
Оқибатда уй эгасининг боши ёрилган. Ҳужум 42 ёшли эркак томонидан амалга оширилган, у спикер Пелоси билан учрашишни талаб қилган
Пол Пелоси, шунингдек, ўнг кафти ва қўлидан жиддий жароҳат олган. Ҳозирда у Сан-Францискодаги шифохоналардан бирида даволанмоқда.
Ҳужум уюштирган шахс фитна назариялари тарафдори бўлгани айтилмоқда. Унга суиқасд уюштириш ва ёши катта одамларга шавқатсиз муносабатда бўлиш бўйича айбловлар қўйилган.
