Республика бўйлаб «Янги нафас» оммавий югуриш мусобақаси ўтказилади
Марафон давлат байроғи қабул қилинган кун доирасида ташкил этилмоқда.
Давлат байроғининг қабул қилиниш куни арафасида 13 ноябрь куни республиканинг 15 та шаҳрида бир вақтда «Янги нафас» спорт мусобақалари бўлиб ўтади. Республика бўйлаб 32 мингга яқин иштирокчи «Бир ватанда, бир вақтда, бир масофага, бир мақсадда — бирга югурамиз» ягона шиори остида бирлашади.
Шунингдек, давлат байроғи кунини нишонлаш доирасида Фарғона, Қўқон, Наманган, Андижон, Чирчиқ, Гулистон, Жиззах, Самарқанд, Қарши, Термиз, Навоий, Бухоро, Урганч, Нукус ва Тошкент аҳолиси «Янги Нафас» спорт оммавий югуриш мусобақасига қўшилади. Ушбу куни Тошкентда бир вақтда 3 та оммавий югуриш мусобақалари ташкиллаштирилади – «Янги Ўзбекистон», «Ашхобод» паркларида ва Humo Arena муз саройининг ҳудудида.
Барча шаҳарлар учун «Янги нафас» спорт оммавий югуриш мусобақасининг ягона масофа узунлиги 3 километрни ташкил қилади. Ташкилотчиларнинг маълум қилишича, ушбу масофа ҳар қандай тайёргарлик даражасига эга иштирокчи учун оптимал масофа ҳисобланади. Тажрибали югурувчилар учун дастурга 12 километр узунликдаги масофа киритилган бўлиб, унинг маршрути «Янги Ўзбекистон» паркида ўтади.
Оммавий югуриш мусобақасида ногиронлиги бўлган югурувчиларнинг хавфсиз ва қулай иштирок этишининг таъминланади. Адлия вазирлигининг кўмагида шаҳарларнинг ҳар бирида уларнинг кенг кўламли тадбирда қатнашиши ташкил этилади.
Шунингдек, «Янги нафас» оммавий югуриш мусобақаси доирасида, ҳар бир шаҳарда концерт – кўнгилочар тадбирларнинг ўтказилиши режалаштирилган. Шунингдек, давлат байроғи кунига бағишлаб оммавий флешмоблар бўлиб ўтади.
«Янги нафас» оммавий югуриш мусобақасининг ташкилотчилари сифатида Олий ва ўрта махсус таълим вазирлиги, Спортни ривожлантириш вазирлиги, Тошкент шаҳар ҳокимлиги, Ёшлар ишлари агентлиги, Касаба уюшмалари федерацияси, «Ўзбекнефтгаз» АЖ ҳамда Енгил атлетика федерацияси иштирок этмоқда.
Маълумот ўрнида, «Янги нафас» — аҳолини соғломлаштириш ва соғлом турмуш тарзини ривожлантиришга қаратилган ижтимоий ҳаракат. Оммавий югуриш мусобақаси Енгил атлетика федерацияси иштирокида 2019 йилдан бери ўтказиб келинмоқда. Лойиҳа доирасида Ўзбекистон шаҳарлари бўйлаб хайрия оммавий югуриш мусобақалари ва марафонлар, спорт тадбирлари ўтказилмоқда.
