Бухорода газ олинадиган янги қудуқ очилди
Ҳозирда у завод қувурига уланмоқда.
“Қулбешкак” конида табиий газ ва конденсат олинадиган янги қудуқ очилди. Бу ҳақда “Ўзбекнефтгаз” АЖ Матбуот хизмати хабар қилди.
Қайд этилишича, “Қулбешкак” газконденсат конидаги 68-сонли қудуқда олиб борилган бурғилаш ишлари муваффақиятли якунланган. Қудуқда бурғилаш ишлари тугатилгач, 1886-1883м, 1881-1878м ва 1870-1866 метр оралиқларида перфорация ишлари олиб борилган.
Қудуқни ўзлаштириш ишларидан сўнг, кунлик 70 минг куб метр саноат миқёсидаги табиий газ ва 1 тонна газ конденсати қазиб чиқарилишига эришилган.
Кон Бухоро вилоятининг Қоракўл туманида жойлашган бўлиб, 2008 йилдан буён ишлатиб келинмоқда. Ҳозирда қудуқни Учқир газни қайта ишлаш заводининг қувурига улаш ишлари олиб борилмоқда.
