“Ғалла келишуви” Россиясиз давом этади(ми?)
Бугун Украина портларидан 12 кема дон олиб чиқади.
БМТ, Украина ва Туркия 31 октябрь куни “ғалла коридори”дан 14 кема ўтишини келишиб олди. Бу ҳақда келишувдан чиқиб кетган Россияга маълумот берилган.
30 октябрда ҳам дон ортилган олти кема Украина портларидан чиқиб кетган, аммо у ҳали гуманитар коридор ҳудудига киргани йўқ. БМТ Котибияти Истанбулдаги координацион марказнинг барча иштирокчилари билан йиғилиш ўтказилганини маълум қилган. ушбу мажлисда Россия томони “ғалла келишуви”даги иштирокини номаълум муддатга қолдиргани тўғрисида ахборот берган.
31 октябрда 12 кема Украина портларидан чиқса, иккитаси кириб келади.
29 октябрда Москва 22 июлда эришилган “ғалла келишуви”дан чиқиб кетганини эълон қилди. Бунга Севастополга уюштирилган дронлар ҳужуми сабаб қилиб кўрсатилган.
1 август куни Қора денгиз орқали Украина ғалласи экспорти тикланган эди.
