Лиз Трасснинг телефони жосуслик дастури орқали бузиб кирилган бўлиши мумкин
Амалдаги Бош вазир ҳолатни назоратга олишга буйруқ берган.
Буюк Британия собиқ бош вазири Лиз Трасснинг шахсий смартфони Pegasus жосуслик дастури орқали бузиб кирилган бўлиши мумкин. Бу ҳақда The Times хабар берди.
Британия ташқи разведкаси — Ми-6’нинг собиқ раҳбари Алекс Янгернинг сўзларига кўра, интернетга уланган исталган дастур Pegasus ёрдамида бузиб кирилиши мумкин. Шу билан бирга у ҳукумат аъзоларининг киберхавфсизликка етарли даражада эътибор бермаётганини таъкидлаган.
Амалдаги Бош вазир Риши Сунак Трасснинг телефони бузиб кирилишини назоратга олишга топшириқ берган. Бундан олдин хакерлар собиқ Бош вазир ёзишмаларини ўқишга муваффақ бўлгани ҳақида хабарлар тарқалганди.
