Туркия Швециянинг НАТОга кириши учун кам ишни амалга ошираётганини иддао қилди
Анқара Стокгольмнинг альянсга киришига тўсқинлик қилмоқда.
Швеция НАТОга кириш учун Анқаранинг талабларини етарли даражада бажармаяпти. Бу ҳақда Туркиянинг Адолат ва тараққиёт партияси спикери Омер Челик маълум қилди.
“Швеция бераётган баёнотлар яхши, аммо бу етарли эмас, уларни бажариш керак”, — деган у.
Челикнинг ушбу фикри Швеция Бош вазири Ульф Кристерссон ташрифи арафасида янгради. У Ражаб Тоййиб Эрдоған билан учрашишни ва икки давлат ўртасидаги мураккабликларни юмшатишни режалаштирган.
Бундан ташқари, шу ҳафтада НАТО бош котиби Йенс Столтенберг ҳам Анқарага келади. Туркия ва Венгрия ҳозирча Швеция ва Финляндиянинг альянсга киришига розилик бермаган.
