Россия Украинада кемаларга қарши ракеталардан фойдаланяпти
Унинг ёрдамида бир қатор объектлар йўқ қилингани айтилмоқда.
Россия Украинада кемаларга қарши мўлжалланган Х-32 қанотли ракеталардан фойдаланмоқда. Бу ҳақда ўз манбаларига таяниб “РИА Новости” хабар берди.
“Махсус ҳарбий операция (РФ Украинадаги ҳарбий ҳаракатларни расман шундай атайди — таҳририят) давомида Ту-22М3 самолётлари кемаларга қарши мўлжалланган Х-31 қанотли ракеталаридан ерусти марраларини йўқ қилишда фойдаланди. Ҳарбий ҳаракатлар давомида ушбу ракеталарнинг самарадорлиги ва юқори даражадаги аниқлиги тасдиқланди”, – деган агентлик билан суҳбатлашган амалдорлардан бири.
Унинг қўшимча қилишича, ҳозирда Х-32 универсал ракета тизимига айлантирилган. Амалдор ушбу қуролнинг кичик ерусти марраларига қарши самарали восита эканини айтмоқда.
Х-32 Россия армиясига 2016 йилда қабул қилинган. У сувусти кемаларини йўқ қилишга мўлжалланган.
