Туркия ҳарбийлари Озарбайжонда яна бир йил қолади
Анқара кучлари минтақага 2020 йилда кирганди.
Туркия парламенти турк ҳарбийларининг Озарбайжонда туриш муддатини узайтирди. Бу ҳақда Anadolu агентлиги хабар берди.
Парламент ялпи мажлисида тасдиқланган қонун лойиҳасига кўра, 2022 йил 17 ноябридан Туркия қуролли кучлари миссияси яна бир йилга узайтирилган.
Қорабоғдаги қўшма рус-турк мониторинг маркази 2020 йил ноябрида тузилган. Қонунда Туркия ҳарбийларининг бу ерда қолиши мамлакатнинг минтақадаги конструктив ролини янада оширади ва унинг миллий манфаатларига жавоб беради.
Аввалроқ Туркия Швециянинг НАТОга кириши учун кам ишни амалга ошираётганини иддао қилганди.
