Елизавета II'га тегишли "Jaguar" кимошди савдосига қўйилди
Машинанинг биринчи эгаси ҳам қиролича Елизавета II бўлган.
Буюк Британия қироличаси Елизавета II'га тегишли бўлган Jaguar X-Type Estate автомобили Британиянинг Historics Auctioners аукцион уйи томонидан кимошди савдосига қўйилди. Аукцион 26 ноябрь куни бўлиб ўтади.
“Қироллик тарихининг бу ажойиб намунаси “зумрад олов” рангида чарм қопламали салон билан тақдим этилган ва унинг биринчи эгаси қиролича Елизавета II бўлган”, — дейилади хабарда.
Маълумот ўрнида, машинада люк бор, у автоматик узатмалар қутиси, иқлим назорати тизими билан жиҳозланган. Машина V6 двигатели билан жиҳозланган.
Қайд этилишича, машинани “болға қандай нархга урилса ҳам – бу атиги 1 фунт стерлинг бўлса ҳам” сотиш мумкин.
