Самарқанд 2 кунга ёпилмоқда
Шунингдек, шаҳар ичидаги айрим кўчаларда транспорт ҳаракати чекланади.
Жорий йилнинг 10-11 ноябрь кунлари Самарқанд шаҳрида ўтказилиши режалаштирилган Туркий давлатлар ташкилоти саммити муносабати билан Самарқанд шаҳрига кириш йўллари ёпилади. Бу ҳақда вилоят Ички ишлар бошқармаси маълум қилди.
Шу кунлари Ибн Сино, Бўстонсарой, Университет хиёбони, Намозгоҳ, Садриддин Айний, Регистон, Рудакий, Шоҳизинда, Усто Умар Жўрақулов, Ислом Каримов, Афросиёб, Беруний, Мирзо Улуғбек, Гулобод, Муқимий ва Даҳбед кўчаларида транспорт воситаларининг ҳаракати вақти-вақти билан чекланади.
Вилоят ҳудудидан транзит ўтувчи транспорт воситалари учун айланма ҳаракат ташкил этилганлигини ва махсус флайерлар ишлаб чиқилган. Ҳайдовчилар QR код орқали йўлларда ҳаракатланишлари учун рухсат этилган айланма йўллардан мобил илова орқали ҳам кўришлари мумкин.
