Эртага Самарқандда айрим кўчалар ёпилади
Шаҳар ҳокимлиги чеклов сабабини маълум қилди.
Аввалроқ жорий йилнинг 5-6 ноябрь кунлари Самарқанд шаҳрида “Samarkand Half Marathon” халқаро хайрия яриммарафони ўтказилиши хабар қилинганди.
Шаҳар ҳокимлиги хабарига кўра, тадбирлар бўлиб ўтадиган ҳудудларда жамоат тартибини сақлаш ва марафонни намунали ташкил этиш мақсадида 6 ноябрь куни соат 07:00 дан бошлаб марафон якунлангунга қадар айрим кўчаларда транспорт воситаларининг ҳаракати вақти-вақти билан чекланади.
Улар:
—Регистон кўчасининг Даҳбед кўчаси кесишмасигача;
—Даҳбед кўчасидан Заргарон кўчасигача;
—Ислом Каримов кўчаси;
—Шоҳи Зинда кўчаси;
—Уста Умар Жўрақулов кўчаси.
Маълумот учун: марафонда баҳслар уч босқичда, яъни 2 километр ҳамда 10 километр ва 21 километр масофага югуриш тартибида бўлади.
