АҚШ адмирали Украина низосини машғулот деб атади
У дунёни йирик низо хавфидан огоҳлантирган.
Дунё катта низо остонасида турган бўлиши мумкин. Бу ҳақда АҚШ Стратегик қўмондонлиги раҳбари адмирал Чарльз Ричард маълум қилди.
"Биз ҳозир кўриб турган Украина инқирози шунчаки машғулот. Катта инқироз тобора яқинлашмоқда. Биз аввал кўрмаган синовларга оз қолди", — деган қўмондон Сувости кемалари лигаси симпозиумдаги чиқишида.
Адмиралнинг фикрича, АҚШ тезкор ҳаракат қила олиш кўникмасини йўқотди.
"Мен Хитойни тийиб туриш сиёсатимизни қуйидагича баҳолайман: кема секинлик билан чўкмоқда. У секин бўлса-да, чўкмоқда, улар ўз кучларини бизга нисбатан тез жойлаштиряпти", — деб қайд этган Ричард.
Аввалроқ АҚШ собиқ президенти Дональд Трамп дунёга учинчи жаҳон уруши хавф солаётгани тўғрисида гапирганди.
