The Observer: Жонсон Бош вазирликни эмас, пулни танлаган
Собиқ Бош вазир ҳукумат раҳбарлигидан номзодини қайтариб олганлиги сабаби очиқланди.
Борис Жонсон октябрь ойида 10 миллион фунт-стрелинг даромаддан қуруқ қолмаслик учун бош вазирликка номзодини илгари сурмаган. Бу ҳақда The Observer газетаси хабар берди.
Нашр суҳбатдошларига кўра, июль ойида собиқ бош вазир Голливуднинг Endeavour агентлиги ва унинг шўъба компанияси Harry Walker Agency (HWA) билан оммавий чиқишлар борасида музокаралар олиб борган. Мақолада қайд этилишича, АҚШ собиқ президентлари Билл-Клинтон ва Барак Обамалар ҳам HWA мижозлари ҳисобланади.
Endeavour раҳбари Ари Эмануэль Жонсонни яна ҳукумат раҳбари бўлган тақдирда унинг нутқларидан тушадиган даромад икки баробар камайиб кетишидан огоҳлантирган. Шундан кейин у Бош вазир бўлиш режасидан воз кечган.
Ўз навбатида Жонсоннинг вакили бу хабарни рад этган.
