Байден Балида Лавров билан “салом-алик” қилмоқчи эмас
АҚШ Пезидентнинг Россия делегацияси билан учрашиш режаси йўқ.
АҚШ президенти Жо Байден G20 саммитида Россия ташқи ишлар вазири Сергей Лавров ва Россия делегацияси билан алоқа қилиш ниятида эмас. Бу ҳақда Америка етакчисининг миллий хавфсизлик бўйича маслаҳатчиси Жейк Салливан маълум қилди.
“Президентнинг Россия ТИВ раҳбари билан учрашиш режаси йўқ"— деди Салливан брифингда.
Эслатиб ўтамиз, G20 саммити 15-16 ноябрь кунлари Индонезиянинг Бали оролида бўлиб ўтади.
Аввалроқ Россия Президенти Владимир Путин G20 саммитига бормаслиги хабар қилинганди. Тадбирда Россия Федерациясидан Ташқи ишлар вазирлиги раҳбари иштирок этади.
Украина Президенти девонининг аниқлик киритишича, Владимир Зеленский саммитда онлайн шаклда иштирок этади.
