Фарғонада талаба жиноятга қўл урди
У институт битувчиси бўлган
Фарғона шаҳридаги консалтинг хизмати кўрсатувчи муассасада бир неча ой менежер бўлиб ишлаган вилоят политехника институти битирувчи курс талабаси Ж.А. ўқишни кўчириш бўйича жиноят содир этди.
Аниқланишича, мазкур муассасанинг асосий фаолият йўналиши ёшларни чет элга ўқишга юбориш бўлган. Оз муддат орасида иш жараёни, талабаларни қай йўсинда хорижга юбориш, уларнинг ўқишини кўчириш тартибларини яхши ўзлаштирган Ж.А. гарчи ишдан бўшаса-да, бир неча соддадил фуқароларга гўё “расмий тарзда ҳуқуқий ёрдам беришини” айтиб, уларнинг ишончини қозонади.
Жумладан, хорижда таҳсил олаётган Ш.М., Ш.Н., У.А., М.Қ., Ф.Т. га ўзини консалтинг хизмати кўрсатиш муассасаси ходими сифатида таништириб, уларнинг ўқишини Ўзбекистонга, хусусан, Фарғона водийсидаги исталган олийгоҳга кўчириб беришини айтади. Бу бўйича бир нечта ҳужжатларни тайёрлаган фуқаро талабаларнинг биридан 400, яна бошқасидан 500 АҚШ доллари миқдорида пул маблағларини қўлга киритади. Сўнг фирибгар ноқонуний ўзлаштирилган пулларни шаҳарнинг турли жойларида кўча-кўйда, савдо дўконларида бу пулларни олиб, ўз шахсий манфаатлари йўлида сарфлаб юборади.
Ж.А. Фарғона шаҳар Ойбек кўчасида жойлашган туғуруқхона олдида Ф.Т.дан кимёвий ишлов берилган 500 АҚШ долларини олган вақтда ушланган.
Ҳозирда Жиноят ишлари бўйича Фарғона шаҳар суди томонидан фирибгарга нисбатан тегишли жазо чораси қўлланилган.
