Тошкентда янги маданият саройи қурилади
Шунингдек, инновацион маданият марказлари фаолиятини ташкил этиш мўлжалланмоқда.
Тошкент шаҳрида маданий хизмат кўрсатиш сервиси бўйича барча қулайликларга эга бўлган “Янги Ўзбекистон” маданият саройини барпо этиш режалаштирилмоқда.
Бунда, муассасани ташкил этиш бўйича лойиҳа-смета ҳужжатларини ишлаб чиқиш, лойиҳа-смета ҳужжатларига асосан Вазирлар Маҳкамасида тақдимот ўтказиш, муассасани қуриш бўйича ер майдони ажратиш, қурилиш ишларини амалга ошириш кўзда тутилган.
Шунингдек, инновацион маданият марказлари фаолиятини ташкил этиш ва жиҳозлаш ишларини амалга ошириш ҳам мўлжалланмоқда.
Маданият марказлари моддий-техник базаси хатловдан ўтказилади, марказда инновацион ижодий лойиҳаларни амалга ошириш бўйича техник вазифалар тайёрланади, маданият марказларида Book-кафе, Wi-Fi зоналар ташкил этилади, ижодий лойиҳалар молиялаштирилади, инновацион маданият маркази тақдимоти ўтказилади.
