Фейк сайтлар орқали 200 млн евро топаётганлар ушланди
Ҳозирда уларнинг 500 дан ортиқ компьютер ва мобил қурилмалари ашёвий далил сифатида олиб қўйилган.
Украина киберполицияси ва Европол билан ҳамкорликда халқаро фирибгарлик тармоғининг беш аъзосини ҳибсга олди. Бу ҳақда ИИВ Киберхавфсизлик маркази хабар берди.
Қайд этилишича, уларнинг даромади йилига 200 миллион евро миқдорида баҳоланмоқда.
Жиноятчилар крипто-активлар, акция, қимматли қоғозлар ва шунга ўхшаш инвестиция жалб қилувчи фейк веб-сайтларнинг кенг тармоғини яратган ҳамда “Сall center”ларида 2000 нафардан ортиқ ишчи-хизматчилар ёллаб диомий равишда қурбонлар сонини кўпайтириб борган.
Украина ҳудудида 3 та “Сall center” ишчи-хизматчилари ва гуруҳнинг асосий беш нафар аъзоси қўлга олинган ҳамда тафтиш жараёнида 500 дан ортиқ компьютер ва мобил қурилмалар ашёвий далил сифатида олиб қўйилган.
