Наманганда Усмон Носир ҳайкали очилди
Бугун шоир таваллудининг 110 йиллиги нишонланмоқда.
Бугун, 13 ноябрь куни Наманган шаҳрида шоир Усмон Носир ҳайкалининг тантанали очилиш маросими бўлиб ўтди. Бу ҳақда вилоят ҳокимлиги матбуот хизмати хабар қилди.
Қайд этилишича, давлат раҳбарининг 2022 йил 10 февралдаги қарори билан Усмон Носир таваллудининг 110 йиллиги бутун мамлакат ва туркий давлатлар бўйлаб кенг миқёсда нишонланмоқда.
Эслатиб ўтамиз, Усмон Носир 1912 йилнинг шу куни Наманган шаҳрида туғилган. Интернатни битиргач, 1931 йилдан Самарқанддаги Ўзбекистон давлат университетининг филология факультетида ўқиган. У “Қуёш билан суҳбат”, “Сафарбар сатрлар”, “Тракторобод”, “Юрак”, “Меҳрим” каби машҳур шеърий тўпламлар муаллифи ҳисобланади.
